Pelle Safaa e Marwa ɗen takko ka suudu Kaaba, ko jeyaaɗe e maandeeji shari'a ɓaŋnguɗo on. Kala on faandiiɗo suudu Kaaba ndun fii tottugol dewal hajju maa umara, ella woo fawaaki mo nde o wanngotoo hakkunde majji; tawa himo fiɓi ɗum ko fiyaaku majjiyaŋkooɓe jeyaa, gomɗii non Allah Ɓaŋnginii wonde ɗum ko e dewe hajju jeyaa. Kala on huuwuɗo yiɗaaɗi ɗin ka dewe hara himo laɓɓini; pellet Allah Jaarnay mo, O Jaɓana mo ɗum, O Yoɓa mo; tawde Kaŋko Allah Ko O Annduɗo ɓen huuwayɓe moƴƴere, haaniduɓe e baraaji.