Gomɗii Men okkii Muusaa Deftere Tawreeta nden, ɓaawo nde Men nulunoo e mofte adinnoɓe ɓen, ɓe fenni Nulaaɓe ɓen, Men halkiri ɓe sabu ɗum. Nden Deftere, ko ndayginorde yimɓe ɓen: hino e mayre ko nafata ɓe, si ɓe gollitirii; e ko lorrata ɓe, si ɓe haɗitike e mun. Hino ton kadi ko ɗowa ɓe e moƴƴere, e yurmeende moƴƴere aduna e laakara. Belajo'o, ɓe annditay neemaaji Alla ɗin e maɓɓe, ɓe yetta Mo, ɓe gomɗina Mo.