Anndee ko rewoton kon, onon ɓee sirkooɓe, ko sanamuuji ɗi nafataa ɗi loraataa, hiɗon taƴa fenaande, aaƴagol wonnde hiɗi hanndi e reweede. Pellet, ɗin ɗi rewoton gaani Alla, ɗi waawaa on arsikude, sakko ɗi waɗa ɗum; awa ɗaɓɓiree arsike on ka Alla, tawde ko Kanko woni arsikoowo On, rewon Mo Kanko tun, yettiron Mo neema arsike on. Ko ka Makko tun, woni ruttorde mon, Ñalnde Darngal, fii hasbeede yoɓitee, wanaa ka sanamuuji mon.