Gomɗii Men okkii Muusaa Tawreetaare nden, kono luutondira e mayre: woɗɓe e maɓɓe gomɗini nde, woɗɓe ɓen yeddi nde. Si wanaa fii fodoore Allah nden, wonnde ko Ñalnde Darngal O ñaawoyta hakkunde jeyaaɓe ɓen, e ko ɓe luutondiri e mun kon, O ñaawayno hakkunde luutondirnooɓe e fii Tawreeta ɓen; O feññina goonguɗo on e meerenteejo on, O teddina goonguɗo On, O hoyna meereejo on. Heeferɓe ɓen kan, pellet, hiɓe e sikke sikkitiiɗo ndee Alqur'aanaare.