Ko Allah heeranii laamagol kammuuli ɗin e leydi ndin. Himo tagira worɓe e rewɓe maa ko wanaa ɗum, no O haajiri. Himo yeɗa mo O muuyani ɓiɗɓe rewɓe, O ɗala ontigi ɓiɗɓe worɓe, ko non kadi O yeɗirta mo O muuyani ɓiɗɓe worɓe, O ɗali mo ɓiɗɓe rewɓe, maa O waɗana mo O muuyani kadi ɓiɗɓe e worɓe, O waɗa mo O muuyani wonnde mo jibintaa. Pellet, Himo anndi ko fewndii e ko saatii. Ko ɗum woni timmugol ganndal e ñeñƴal Makko. Huunde wirnanaaki Mo. Wanaa goɗɗum kadi rontinta Mo.