Ɓen ɓe Allah tultinnoo ɗowtugol ma ka setagol maaɗa Makka, aray nde ɓe wi'ani, si on feloyiiɓe: ko jawle amen ɗen e ɓeynguureeji amen ɗin woni ko haɗi men ɗowtugol ma. Ɗaɓɓiran men Allah haforaneede junuubi. Hara hiɓe wowlira ɗemɗe maɓɓe, ko alaa e ɓerɗe maɓɓe; tawde ɓe tuubaali taho. Awa maakan ɓe: Hay gooto waawanaa on huunde ka Allah, si wonii O faandanike on moƴƴere, maa hara O faandani on bone. Wurin Allah siforii wonnde Humpitiiɗo ko golloton kon. Huunde e kuuɗe mon ɗen suuɗaaki Mo, ko etiɗon woo.