Ko onon yo gomɗimɓe Alla e Nulaaɗo Makko on, ɓe jokki saria Makko on! Anndee sirkooɓe ɓen ko soɓirɓe keeferaaku e tooñe e jikkuuji maɓɓe bonɗi : wata ɓe naatu ka Juulirde hormanteere Makka -hay si tawii ko hajjugol maa fii 'umra- ɓaawo ndee hiitaande maɓɓe jeenaɓere fergu ɗoo. Si on hulii -onon gomɗimɓe ɓen- baasal, sabu ko ɓe addanat- noo on kon ñaametee ɓe yeeya on piiji sertuɗi, arma ka Alla alɗinora on ɓural Makko ngal, si O haajii. Pellet, Alla ko Annduɗo fiyaaku mon, Ñeeñuɗo e ko O toppitantoo on.