مۇختەسەر تەفسىر
أَوَلَمْ يَرَوْا۟ أَنَّا جَعَلْنَا حَرَمًا ءَامِنًا وَيُتَخَطَّفُ ٱلنَّاسُ مِنْ حَوْلِهِمْ ۚ أَفَبِٱلْبَـٰطِلِ يُؤْمِنُونَ وَبِنِعْمَةِ ٱللَّهِ يَكْفُرُونَ ﴿٦٧﴾
ئاللاھنىڭ ئۆزلىرىگە ئاتا قىلغان نېئمەتلەرنى ئىنكار قىلغان بۇ ئادەملەر ئەينى چاغدا بىز ئۇلارنى غەرق بوپكېتىشتىن قۇتۇلدۇرغاندىن سىرت، ھەرەمنى ئۇلارنىڭ قانلىرى ۋە ماللىرى ئامانلىققا ئېرىشىدىغان جاي قىلغانلىقىمىزنى كۆرمىدىمۇ؟ ھالبۇكى ئۇلارنىڭ ئەتراپىدىكى كىشىلەر ئۇشتۇمتۇت ھۇجۇملارغا ئۇچراپ، ئۆلتۈرۈلۈپ، ئەسىرگە چۈشۈۋاتىدۇ، ئاياللىرى ۋە باللىرى ئولجا ئېلىنىپ، مال - مۈلۈكلىرى تالان - تاراج قىلىنىۋاتىدۇ. ئۇلار يەنە ئۆزلىرىنىڭ ساختا ئىلاھلىرىغا ئىشىنىپ، ئاللاھنىڭ نېئمەتلىرىگە كاپىر بولامدۇ؟ نېئمەتلەر ئۈچۈن ئاللاھقا شۈكۈر قىلمامدۇ؟