مۇختەسەر تەفسىر
وَلِسُلَيْمَـٰنَ ٱلرِّيحَ غُدُوُّهَا شَهْرٌ وَرَوَاحُهَا شَهْرٌ ۖ وَأَسَلْنَا لَهُۥ عَيْنَ ٱلْقِطْرِ ۖ وَمِنَ ٱلْجِنِّ مَن يَعْمَلُ بَيْنَ يَدَيْهِ بِإِذْنِ رَبِّهِۦ ۖ وَمَن يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ ٱلسَّعِيرِ ﴿١٢﴾
بىز داۋۇد ئوغلى سۇلايمانغا شامالنى بويسۇندۇرۇپ بەردۇق. شامال چۈشتىن بۇرۇن بىر ئايلىق مۇساپىنى، چۈشتىن كېيىن بىر ئايلىق مۇساپىنى باسىدۇ. ئۇنىڭ مىستىن خالىغان نەرسىلەرنى ياسىشى ئۈچۈن مىس چىقىدىغان بۇلاقنى ئاققۇزۇپ بەردۇق، ئۇنىڭغا يەنە پەرۋەردىگارىنىڭ بۇيرۇقى بىلەن ئىشلەيدىغان جىنلارنى بويسۇندۇرۇپ بەردۇق. جىنلاردىن بۇيرۇقىمىزغا خىلاپلىق قىلغانلارغا لاۋۇلداپ تۇرغان دوزاخ ئازابىنى تېتىتىمىز.