مۇھەممەد سالىھ — 592

87:11 ئەڭ شەقى ئادەم ۋەز ـ نەسىھەتتىن قاچىدۇ(11).

87:12 ئۇ كاتتا ئوتقا (يەنى دوزاخقا) كىرىدۇ(12).

87:13 ئاندىن ئۇ ئوتتا ئۆلمەيدۇ ۋە (ئوبدان) ياشىمايدۇ(13).

87:14 (كۇفرىدىن ۋە گۇناھتىن) پاك بولغان ئادەم مەقسىتىگە يەتتى(14).

87:15 ئۇ پەرۋەردىگارىنىڭ نامىنى ياد ئەتتى، ئاندىن ناماز ئوقۇدى(15).

87:16 سىلەر دۇنيا تىرىكچىلىكىنى ئارتۇق كۆرىسىلەر(16).

87:17 ئاخىرەت ياخشىدۇر ۋە باقىيدۇر(17).

87:18 بۇ (يەنى بۇ سۈرىدىكى ۋەزلەر) شەك ـ شۈبھىسىز بۇرۇنقى كىتابلاردا ـ ئىبراھىم ۋە مۇسالارنىڭ كىتابلىرىدا باردۇر(18ـ19).

87:19 بۇ (يەنى بۇ سۈرىدىكى ۋەزلەر) شەك ـ شۈبھىسىز بۇرۇنقى كىتابلاردا ـ ئىبراھىم ۋە مۇسالارنىڭ كىتابلىرىدا باردۇر(18ـ19).

88:1 (ئى مۇھەممەد!) ساڭا ھەقىقەتەن قىيامەتنىڭ خەۋىرى كەلدى(1).

88:2 بۇ كۈندە نۇرغۇن ئادەملەر خار بولغۇچىدۇر(2).

88:3 ئۇلار دۇنيادا گۇناھ قىلغۇچىلاردۇر، (ئاخىرەتتە) جاپا تارتقۇچىلاردۇر(3).

88:4 ئۇلار ھارارىتى قاتتىق دوزاخقا كىرىدۇ(4).

88:5 (سۇلىرى) قايناپ تۇرغان بۇلاقتىن سۇغىرىلىدۇ(5).

88:6 ئۇلار ئۈچۈن زەرىدىن (يەنى بەتبۇي، ئاچچىق تىكەندىن) باشقا يېمەكلىك بولمايدۇ(6).

88:7 زەرى كىشىنى سەمرىتمەيدۇ، ئاچلىقنى پەسەيتمەيدۇ(7).

88:8 بۇ كۈندە نۇرغۇن كىشىلەر باركى، ئۇلار نېمەت بىلەن خۇشالدۇر(8).

88:9 بۇ دۇنيادا قىلغان (سەئيى - ئەمەللىرىدىن) مەمنۇندۇر(9).

88:10 ئۇلار ئالىي جەننەتتىدۇر(10).

88:11 ئۇ يەردە يامان سۆز ئاڭلىمايدۇ(11).

88:12 ئۇ يەردە بۇلاقلار ئېقىپ تۇرىدۇ(12).

88:13 ئۇ يەردە ئېگىز تەختلەر، قاتار تىزىلغان قەدەھلەر، رەت ـ رەت قويۇلغان ياستۇقلار، سېلىنغان ئېسىل بىساتلار بار(13ـ16).

88:14 ئۇ يەردە ئېگىز تەختلەر، قاتار تىزىلغان قەدەھلەر، رەت ـ رەت قويۇلغان ياستۇقلار، سېلىنغان ئېسىل بىساتلار بار(13ـ16).

88:15 ئۇ يەردە ئېگىز تەختلەر، قاتار تىزىلغان قەدەھلەر، رەت ـ رەت قويۇلغان ياستۇقلار، سېلىنغان ئېسىل بىساتلار بار(13ـ16).

88:16 ئۇ يەردە ئېگىز تەختلەر، قاتار تىزىلغان قەدەھلەر، رەت ـ رەت قويۇلغان ياستۇقلار، سېلىنغان ئېسىل بىساتلار بار(13ـ16).

88:17 ئۇلار قارىمامدۇكى، تۆگىلەر قانداق يارىتىلدى(17)،

88:18 ئاسمان قانداق ئېگىز قىلىندى(18)،

88:19 تاغلار قانداق تۇرغۇزۇلدى(19)،

88:20 زېمىن قانداق يېيىتىلدى(20).

88:21 سەن (ئۇلارغا) ۋەز ـ نەسىھەت قىلغىن، سەن پەقەت (ئۇلارغا) ۋەز ـ نەسىھەت قىلغۇچىسەن(21).

88:22 سەن ئۇلارغا مۇسەللەت (يەنى ئۇلارنى ئىمانغا مەجبۇرلىغۇچى) ئەمەسسەن(22).